İranın BMT-dəki daimi nümayəndəsi Əmir Səid İrəvani təşkilatın Təhlükəsizlik Şurasının sədri və BMT-nin baş katibinə məktub göndərib.
Qanunla.az xəbər verir ki, İrəvani məktubunda ABŞ Prezidenti Donald Trampın martın 30-da NBC telekanalına müsahibəsində İranı bombalamaqla hədələməsinə toxunub.
“Təhlükəsizlik Şurası birmənalı şəkildə ABŞ prezidentinin təhdidlərini beynəlxalq hüququn və BMT Nizamnaməsinin pozulması kimi pisləməli və ABŞ-ı beynəlxalq hüquq və BMT Nizamnaməsindən irəli gələn hüquqi öhdəliklərinə əməl etməyə çağırmalıdır”, – məktubda bildirilib.
