Türkiyə, ABŞ-la keçirdiyi görüşdə “Qazprombank”a qarşı sanksiyalar çərçivəsində Ankara üçün istisna tətbiq olunmasını tələb edib.
Qanunla.az xəbər verir ki, bu barədə “Hürriyet” mənbələrinə istinadən məlumat yayıb.
Qeyd olunub ki, məsələ ABŞ Dövlət katibi Entoni Blinkenin Ankaraya səfəri zamanı müzakirə edilib.
ABŞ tərəfi isə bu sorğulardan xəbərdar olduğunu və hazırda qiymətləndirmə apardığını bildirib.
Xatırladaq ki, Türkiyənin energetika naziri Alparslan Bayraqdar daha əvvəl ABŞ-ın “Qazprombank”a qarşı tətbiq etdiyi sanksiyaların ölkəyə mənfi təsir göstərdiyini demişdi. Nazir qeyd edib ki, Türkiyə təbii qazın 40%-ni Rusiyadan alır və ödənişlə bağlı çətinliklər ölkə iqtisadiyyatına ciddi zərbə vura bilər.
