Ucar rayonunda ölümlə nəticələnən bədbəxt hadisə baş verib.
Qanunla.Az xəbər verir ki, hadisə ötən axşam rayonun Müsüslü kəndində olub.
Kənd sakini, 1976-cı il təvəllüdlü Natiq Kamil oğlu Ağayevi elektrik cərəyanı vurub və o, dünyasını dəyişib.
3 uşaq atası olan N.Ağayev su nasosu ilə həyətyanı sahəni suvarmaq istəyib. Nasazlıq olub, nasosun naqillərini düzəltmək istəyərkən ehtiyatsız davranıb və onu elektrik cərəyanı vurub.
Hadisə ilə bağlı araşdırma aparılır.
