Ukrayna 2024-cü ilin fevralında Amerikanın dördüncü nəsil F-16 qırıcılarını ala bilər.
Qanunla.az xəbər verir ki, bu barədə “The Wall Street Journal” Ukrayna və Amerika rəsmilərinə istinadən məlumat yayıb.
“Ukrayna rəsmiləri indi inanırlar ki, ABŞ-ın bu ay və ya gələn ay gözlənilən pilot təliminə başlaması ilə bir neçə ukraynalı qırıcı pilot hələ fevralda yerləşdirməyə hazır ola bilər”.Qeyd olunur ki, ABŞ nümayəndələri öz qiymətləndirmələrində daha təmkinlidirlər və inanırlar ki, ukraynalılar ən azı 2024-cü ilin ortalarına qədər, bəlkə də daha uzun müddət F-16-da döyüş uçuşlarına hazır olmayacaqlar. Bu, F-16-nın Ukraynada döyüş şəraitində istifadə imkanlarını təmin etmək üçün təmir avadanlığının və digər köməkçi avadanlıqların tədarükünün təmin edilməsi zərurəti, eləcə də qırıcı təyyarələrdə uzun müddət təlim keçməsi ilə bağlıdır.
Qeyd edək ki, Ukrayna prezidenti Volodimir Zelenski demişdi ki, hava üstünlüyü üçün ölkəyə 160-a yaxın F-16 qırıcısı lazımdır.
