Ulu öndər Heydər Əliyevin anadan olmasının 98-ci ildönümü münasibətilə Zərdab rayon Heydər Əliyev Mərkəzində silsilə tədbirlər keçirilir.
“Azərbaycan xalqı Heydər Əliyev ideyalarından, Heydər Əliyev dühasından əbədi bəhrənələcəkdir”
4 may 2020-ci ildə Zərdab rayon Heydər Əliyev Mərkəzinin təşəbbüsü və təşkilatçılığı ilə Bakı şəhəri, Sabunçu rayonu Müşfiq Orucov adına 213 saylı məktəb-liseyin müəllim və şagird kollektivi ilə birgə Ulu öndər Heydər Əliyevin anadan olmasının 98-cı ildönümü münasibətilə “Azərbaycan xalqı Heydər Əliyev ideyalarından, Heydər Əliyev dühasından əbədi bəhrənələcəkdir” mövzusunda videokonfrans keçirilmişdir.
Videokonfransda Zərdab rayon Heydər Əliyev Mərkəzinin direktoru Könül Rəhimova Ulu öndərin həyat və fəaliyyəti ilə bağlı çıxış etmişdir. Könül xanım böyük şəxsiyyət Heydər Əliyevin dahiliyinin hamılıqla qəbul olunduğunu qeyd etmiş, böyük siyasət aləmində, dövlətimizin taleyüklü məsələlərinin çözülməsində həlledici söz deyən ulu öndərin şərəfli ömrünün xalqımızın taleyi ilə bağlılığını və müstəqil Azərbaycanın memarı olduğunu nəzərə çatdırmışdır.
Dahi şəxsiyyət Heydər Əliyev Azərbaycanda hüquqi, demokratik və dünyəvi dövlət quruculuğunun təməlini qoymuş və onu inkişaf etdirmişdir.
Bakı şəhəri, Sabunçu rayonu Müşfiq Orucov adına 213 saylı məktəb-liseyin direktoru Səbinə müəllimə dahi insan Heydər Əliyevin əməllərinin və amallarının xalqın gündəlik fəaliyyətində və düşüncəsində yaşadığını bildirərək bu amalların xalqımızı tərəqqi zirvəsinə doğru inamla aparan, dahi rəhbərimizin siyasi kursunun layiqli davamçısı Prezident İlham Əliyev tərəfindən uğurla gerçəkləşdirildiyini vurğulamışdır.
Videokonfransda çıxış edən Mahirə müəllimə, Məleykə müəllimə müstəqil dövlətimizin banisi və qurucusu Heydər Əliyevin fəaliyyətinin ayrı-ayrı mərhələləri haqqında danışmış, onun irsinin daim yaşayacağını bildirmişlər.
Çıxışlardan sonra şagirdlər Ulu Öndərə həsr olunmuş şeirlər söylədilər.
