Yeni Azərbaycan Partiyası Saatlı rayon təşkilatında bir qrup yubileyi qeyd edilən partiyanın veteran üzvləri ilə görüş keçirilib.
2 aprel 2025-ci il tarixində Yeni Azərbaycan Partiyası Saatlı rayon təşkilatında bir qrup yubileyi qeyd edilən partiyanın veteran üzvləri ilə görüş keçirilib.
Qanunla.Az xəbər verir ki, YAP Saatlı rayon təşkilatının sədri Elşən Əzizov yubileyi olan Partiya üzvlərini təbrik edib, işlərində uğurlar və müvəffəqiyyətlər arzulayıb. Saatlı rayonunda fəaliyyəti ilə seçilən bu üzvlər Ümummilli Lider Heydər Əliyevin ideyalarının və zəngin dövlətçilik irsinin gənc nəslə aşılanması, Prezident cənab İlham Əliyevin siyasətinin təbliği istiqamətində səmərəli fəaliyyəti ilə fərqlənib.
Göstərilən diqqətə, qayğıya və ünvanına söylənilən xoş sözlərə görə təşəkkürünü bildirən partiya veteranları Şərqiyyə Şahpələngova, Nuhəli Kərimov, Famil Abdullayev və Nizami Məmmədov Ümummilli Lider Heydər Əliyevin əbədiyaşar ideyalarının, Prezident cənab İlham Əliyevin Azərbaycanı tərəqqi və Zəfər zirvəsinə yüksəldən məqsədyönlü siyasətinin və Yeni Azərbaycan Partiyasının uğurlu fəaliyyətinin yorulmaz təbliğatçısı olmaqdan qürur duyduğunu bildiriblər. Onlar bundan sonra da üzərinə düşən vəzifələri layiqincə yerinə yetirmək üçün səylərini əsirgəməyəcəyini vurğulayıblar
Görüşün sonunda partiya veteranları Famil Abdullayev, Nuhəli Kərimov, Nizami Məmmədov və Şərqiyyə Şahpələngovaya rayon təşkilatının ictimai-siyasi həyatında fəal iştirakına və yubileyləri münasibətilə Fəxri Fərman, gül buketi və hədiyyələr təqdim edildi, görüş çay süfrəsi ətrafında davam etdirildi.