24 fevral tarixində Məktəbəqədər və Ümumi Təhsil üzrə Dövlət Agentliyinin tədrisin keyfiyyəti üzrə təsdiq etdiyi fəaliyyət planına uyğun olaraq Yevlax rayonunda fəaliyyət göstərən ümumi təhsil müəssisələrinin rəhbərləri ilə görüş keçirilib.
Qanunla.Az xəbər verir ki, görüşdə Mərkəzi Aran Regional Təhsil İdarəsinin müdiri vəzifəsini icra edən, müdir müavini Cavad Cavadov, tədrisin keyfiyyəti sektorunun müdiri Leyla Bayramova, Yevlax rayonu üzrə təhsil sektorunun müdiri Namidə Abbasova, eləcə də idarə əməkdaşları iştirak ediblər. Görüş zamanı fəaliyyət planına uyğun olaraq görüləcək işlər, qarşıya qoyulmuş hədəflər və bu hədəflərə çatma mexanizmləri müzakirə edilib.
Qeyd edək ki, bu formatda görüşlər regional idarənin tabeliyində olan digər rayonların ümumi təhsil müəssisələrinin rəhbərləri ilə də keçiriləcək.
