8 noyabr-Zəfər günü ilə əlaqədar 04 noyabr 2021-ci il tarixdə Zərdab Rayon Gənclər və İdman idarəsi tərəfindən “Keçən günlər müqəddəs bir xatirədir” mövzusunda həvəskar gənc rəssam Ruslan Əliyevin Vətən müharibəsi şəhidləri və iştirakçılarına həsr olunmuş rəsm işlərindən ibarət sərgisi təşkil olundu.
Gənclər və idman idarəsinin rəisi İlkin Əliyev Qanunla.Az-a açıqlamasına bildirib ki,sərgidə hərbi vətənpərvərlik ruhunda ərsəyə gələn qəhrəman şəhidlərimizin rəsm əsərləri üstünlük təşkil edib. Bu isə sərgi iştirakçıları tərəfindən maraqla qarşılanıb.Sərgidə Zərdab Rayon İcra Hakimiyyətinin nümayəndələri, Zərdab Rayon Polis şöbəsinin rəisi və şöbənin şəxsi heyyəti, SHXÇDX-nin Zərdab rayon bölməsinin əməkdaşları, Şəhid ailələri, Vətən müharibəsi iştirakçıları, ictimaiyyət nümayəndələri, o cümlədən gənclər iştirak ediblər.
Qeyd edək ki, sərgi 05 noyabr 2021-ci il tarixdə Heydər Əliyev Mərkəzinin qarşısında, 08 noyabr 2021-ci il tarixdə isə Şəhidlərin Xatirə Parkında davam edəcək.