Baramaçılığın inkişaf etdirilməsi ilə bağlı Azərbaycan Respublikasının Prezidenti cənab İlham Əliyevin qarşıya qoyduğu vəzifələrin icrası istiqamətində Zərdab rayonunda xeyli iş görülmüşdür. Rayon üzrə 2016-cı ildə 5710 kq, 2017-ci ildə 27 ton 55 kq, 2018-ci ildə 53 ton 880 kq, 2019-cu ildə 71 ton 539 kq, 2020-ci ildə 61 ton 635 kq barama tədarük edilmişdir. 2021-ci ilin məhsulu üçün Qax Damazlıq İpəkçilik stansiyasından 1550 qutu ipəkqurdu toxumu gətirilərək kümçülərə paylanmışdır. Rayon üzrə proqnoz tapşırıq 62 ton nəzərdə tutulmuşdur.
30 may 2021-ci il tarixdə rayon üzrə barama təhvilinə başlanılmış, proqnoz tapşırığa artıqlaması ilə əməl edilmişdir. Belə ki, bu günədək rayon üzrə ötən ildəkindən 3 ton 16 kq çox olmaqla 64 ton 651 kq barama tədarük edilmişdir.
Zərdab rayonunda barama tədarükü üzrə proqnoz tapşırığa artıqlaması ilə əməl edilib
