Zərdab rayonunda Qurban bayramı münasibətilə Vətən Müharibəsinin şəhid ailələrinə bayram sovqatı paylanıldı.
Qanunla.Az xəbər verir ki,Zərdab rayon İcra Hakimiyyətinin təşkilatçılığı ilə və əslən Zərdab rayonundan olan Ukrayna Xerson vilayətinin Azərbaycan Diasporasının Gənclər təşkilatının sədri Tarzan Savalan oğlu İsmayılovun dəstəyi ilə Qurban bayramı münasibətilə Vətən Müharibəsinin şəhid ailələrinə bayram sovqatı paylanıldı. Zərdab İcra Hakimiyyətinin başçısının müavini-ictimai-siyasi və humanitar məsələlər şöbəsinin müdiri Xəyalə Veyisova,İcra Hakimiyyəti başçısı aparatının ərazi idarəetmə və yerli özünüidarəetmə orqanları ilə iş şöbəsinin müdiri Ramiz Məmmədov,ictimai fəallar Şirvani Hümmətoğlu,Vüqar Rəhimov və Vüsal Azayev tərəfindən Vətən Müharibəsinin şəhid ailələrinin evlərinə gedilərək onlara baş çəkilib və qurban bayram sovqatı paylanılıb.
Bayram payı alan şəhid ailələri bu əziz gündə kəsilən qurbanların Allah tərəfindən qəbul olunmasını diləmiş, Qurban bayramının xalqımız və millətimiz üçün xeyirli-uğurlu olmasını arzulamış, ölkə rəhbəri Prezident İlham Əliyevə və Mehriban xanım Əliyevaya xoş arzularını ifadə etmişlər.
Qanunla.Az
Vüqar Rəhimov