Zərdabda 112 Vətən müharibəsi iştirakçılarına medal və vəsiqələr təqdim edildi.
Azərbaycan Respublikası Prezidenti tərəfindən təltif edilmiş Vətən müharibəsi iştirakçılarına medal və onların vəsiqələrinin təqdim edilməsi münasibəti ilə Zərdab rayon Heydər Əliyev mərkəzində tədbir keçirilib.
Qanunla.Az xəbər verir ki,tədbirdə Rayon İcra Hakimiyyətinin başçısının birinci müavini Rəhman Feyzullayev, Səfərbərlik və Hərbi Xidmətə Çağırış üzrə Dövlət Xidmətinin Zərdab rayon şöbəsinin rəisi, polkovnik-leytenant Asif Əhədov, Vətən müharibəsi şəhidlərinin ailə üzvləri, Vətən müharibəsi iştirakçıları, media nümayəndələri və digərləri iştirak edirdi.
Tədbiri Rayon İcra Hakimiyyətinin başçısının birinci müavini Rəhman Feyzullayev tərəfindən açıq elan olunaraq, Vətən torpaqlarının işğaldan azad olunması uğrunda həlak olmuş şəhidlərin xatirəsi 1 dəqiqəlik sükutla yad edildi. İcra Hakimiyyətinin başçısının birinci müavini çıxış edərək bildirib ki, güclü Azərbaycan Ordusu, məğrur və rəşadətli əsgərlərimiz Ali Baş Komandanın əmirlərini yüksək səviyyədə və peşəkarlıqla yerinə yetirərək Azərbaycanımızın şanlı tarixini yazıblar. Prezident İlham Əliyevin müdrik rəhbərliyi, möhkəm iradəsi və düzgün qərarları sayəsində 44 gün ərzində mənfur düşmən məğlub edildi, Qarabağ işğaldan azad olundu. Bildirilib ki, xalqımız bu Qələbənin qazanılmasına görə, Ali Baş Komandan cənab İlham Əliyevə,şəhidlərimizə, qazilərimizə, ümumilikdə Azərbaycan Ordusuna borcludur. Səfərbərlik və Hərbi Xidmətə Çağırış üzrə Dövlət Xidmətinin Zərdab rayon şöbəsinin rəisi, polkovnik-leytenant Asif Əhədov müharibə iştirakçılarını təbrik etdikdən sonra medal və onların vəsiqələrin təqdim edilməsinə başlandı.
Rayon üzrə Azərbaycan Respublikası ərazilərinin işğaldan azad edilməsi uğrunda aparılan döyüş əməliyyatlarında iştirak etmiş, şəhid olmuş, xəsarət almış , Azərbaycan Respublikası Prezidenti tərəfindən təltif edilmiş 112 nəfərə verilən ”Xocavavəndin azad olunmasına görə” və ” Cəbrayılın azad olunmasına görə”medal və onların vəsiqələri təltif olunanların özlərinə və ya ailə üzvlərinə təqdim edildi.
Şəhid ailələri və müharibə iştirakçıları onlara göstərilən diqqət və qayğıya görə ölkə başçısı cənab İlham Əliyevə və birinci Vitse-Prezident Mehriban xanım Əliyevaya təşəkkür ediblər.
Qanunla.Az
Vüqar Rəhimov