Zərdabda 18 yaşlı qız cərrahiyyə əməliyyatından sonra vəfat edib.
Qanunla.Az xəbər verir ki, hadisənin Zərdab Rayon Mərkəzi Xəstəxanasında baş verdiyi bildirilib.
Belə ki, Zərdabın Qoruqbağı kənd sakini Qarayeva Aytən Ramil qızı dünən axşam saatlarında özünü narahat hiss edib və o, Zərdab Rayon Mərkəzi Xəstəxanasına aparılıb.
Ağır vəziyyətdə apendisit əməliyyatı olunan xəstənin vəziyyəti daha da pisləşib. Yaxınları səhər saatlarında onu Bakıdakı xəstəxanalardan birinə gətirmək istəsələr də, həyatını xilas etmək mümkün olmayıb.
