Torpaqlarımızın bütövlüyü uğrunda gedən döyüşlərdə qəhrəmancasına şəhid olan igidlərimizdən biri də baş çavuş İbrahim Cəbrayıllıdır.
Cəbrayıllı İbrahim Raqub oğlu 1999-ci fevral ayının 3-də Zərdab rayonunun Məlikumudlu kəndində anadan olmuşdur. Şəhidimizin xatirəsi doğum günündə rayonun Məlikumudlu kənd qəbiristanlığındakı məzarı yanında anılıb.
Qanunla.Az xəbər verir ki,anım mərasimində Rayon İcra Hakimiyyətinin başçısı Mərdan Camalzadə,İcra aparatının məsul şəxsləri,SHXÇDX-nın Zərdab rayon şöbəsinin rəisi,Vətən muharibəsi iştirakçıları və şəhid ailələri ilə işin təşkili şöbəsinin müdiri,Gənclər və idman idarəsinin rəisi, Təhsil şöbəsinin müdiri, YAP-nın işçiləri, Daxili Qoşunların hərbiçiləri,şəhidin ailə üzvləri və kənd sakinləri iştirak ediblər.Qəhrəman şəhidin məzarı üzərinə gül dəstələri qoyulub, ruhuna dualar oxunub.
İcra başçısı Mərdan Camalzadə Azərbaycan xalqının qüruru, fəxri olan bütün şəhidlərimizin, o cümlədən də İbrahimin xatirəsinin bundan sonra da daim əziz tutulacağını, dövlətin hər zaman şəhidlik zirvəsinə ucalan igidlərimizin ailələrinin yanında olacağını vurğulayıb.
Şəhidimizin ailəsi hər zaman onlara göstərilən diqqət və qayğıya görə Müzəffər Ali Baş Komandan cənab İlham Əliyevə, Azərbaycan Respublikasının Birinci vitse-prezidenti Mehriban xanım Əliyevaya dərin minnətdarlıqlarını bildiriblər.
Qeyd edək ki, şəhidimiz 01 oktyabr 2020-ci il tarixində Murovdağ zirvəsində gedən döyüşlərdə qəhrəmancasına şəhid olmuşdur.O, II Qarabağ-Vətən müharibəsi dövründə Zərdab rayonunun ilk şəhididir. Cəbrayıllı İbrahim Raqub oğlu ölümündən sonra Azərbaycan Respublikası Prezindetinin 15 dekabr 2020-ci il tarixli Sərəncamı ilə “Vətən uğrunda”, 29 dekabr 2020-ci il tarixli Sərəncamı ilə isə “Kəlbəcərin azad olunmasına görə” medalları ilə təltif edilmişdir.
Allah rəhmət eləsin!
Qanunla.Az
Vüqar Rəhimov
